اعتذرلك كان عذري لك يفيد ..

أعتــذر لـك كــان عذري لك يفيد

.وأعترف لك بالخطا وأطلب رضاك

لـو دريـت إن الخـطا عندك كويد

كــان جـنـّـبـت الخــطـا يومي معاك

غلطتي غلطة عمر منها أستفيد

وأستحـق اللي حصل لي في جفاك
لــي ثـمـان أيام في همس شديد

وإنـت يالقـــاسي تفـنـن فـي قساك

مـاكـفــاك إنــي بـحـبـك يـاعنـيد

. مـاتشــوف إنــي متـيــم في هواك

ماقريت حروف بوحي والقصيد

مـاشـفـع لــي كل نظمي في غلاك

ماكفـاك إني على العشرة جديد

(وإنت الأول)ماعرف قلبي سواك

غـلـطـتـي مـاتستحق أبقى بعيد

لاتـكبــرهــا وانـــا عــذري كـفـاك

كــل يـــومٍ تبتـعد شـــوقي يزيد

والأمـــل فــــي داخــلي إني أراك

إلتـفـت لـــي لاتـخـلـيـنـي وحيد


لــــي ثـمـــان أيــام قلبي مانساك